مغربی میڈیا جان بوجھ کر اسلام کو دہشت گردی سے جوڑ رہا ہے.. اسلام کے مہذب کردار کو نظر انداز اور مختلف علوم میں اس کے علماء کی شراکت کو جان بوجھ کر چھپا رہا ہے : ڈاکٹر عبدالمقصود پاشا

جامعہ الازہر میں اسلامی تاریخ اور تہذیب کے پروفیسر ڈاکٹر عبدالمقصود پاشا نے کہا: اسلام میں تہذیب اسلام سے جنم لینے والے تصورات اور اقدار کا مجموعہ ہے اور ان کا تعلق مذہبی، سماجی، سائنسی، انتظامی اور اقتصادی زندگی کے مختلف پہلوؤں سے ہے، جو انسان اور زندگی کے بارے میں اسلام کے نظریے کی عکاسی کرتا ہے جو اس کی مختلف ضروریات اور اس کے ارد گرد کائنات کی تعمیر نو کے رجحانات کے مطابق ہے۔
یہ بات ایک لیکچر (تہذیبی تعاملات میں مسلمانوں کی شراکت) کے دوران سامنے آیا (مفاہیم کی درستگی) کورس کی سرگرمیوں کے ضمن میں جو عالمی ادارہ برائے الازہر گریجویٹس کی جانب سے مختلف قومیتوں کے متعدد بین الاقوامی طلباء کے لیے منعقد کیا جا رہا ہے۔
الازہر یونیورسٹی میں تاریخ اور اسلامی تہذیب کے پروفیسر نے اس بات پر زور دیا کہ تہذیبوں کے درمیان تعامل اور تصادم ایک بہت بڑا فائدہ ہے اور اسے تقدم اور ترقی کے حصول کے لیے بروئے کار لانا چاہیے اور اس سے فائدہ اٹھانا چاہیے، انہوں نے نشاندہی کی کہ اسلام میں تہذیبی تعامل ایک ایسا عمل ہے جس کی بنیاد مکالمے پر ہے نہ کہ تصادم پر، اسلام مکالمے اور مذہبی رواداری کے اصول کے ذریعے تعامل کا مطالبہ کرتا ہے، جو ہر فرقے کو اپنی مذہبی رسومات پر عمل کرنے کی مکمل آزادی دیتا ہے۔
عبدالمقصود پاشا نے نشاندہی کی کہ مغربی ذرائع ابلاغ جان بوجھ کر اسلام کو دہشت گردی سے جوڑتے ہیں، اس کے مہذب کردار کو نظر انداز کرتے ہیں، اور مختلف علوم میں اس کے علما کی خدمات کو جان بوجھ کر دھندلا دیتے ہیں، انہوں نے واضح کیا کہ آٹھویں صدی سے سولہویں صدی تک مختلف علوم میں مسلم اسکالرز کا کردار عصر قدیم کے انسان کےلئے ایک قابل ذکر توسیع ہے۔ ماضی میں فلکیات، کیمسٹری اور حسابات کے شعبوں میں ان کی خدمات نے جدید سائنس اور ٹیکنالوجی کی بنیاد بنانے میں نمایاں کردار ادا کیا۔

آخر میں، انہوں نے ان تعاملات میں مسلم اسکالرز کی شراکت کا جائزہ لیا، جن میں فلکیات، صنعت، تعلیم، طبی علوم اور تحقیق، کیمسٹری، فزکس اور ریاضی شامل ہے۔
ان لیکچرز کا مقصد انسانی تہذیب کی تعمیر میں سائنسدانوں کے کردار کی اہمیت کے بارے میں کمیونٹی اور طلباء کے علم میں اضافہ کرنا ہے۔