پوپ تواضروس نے گرینڈ امام کو عید الاضحیٰ کی مبارکباد دی۔

شیخ الازہر الشریف، گرینڈ امام ڈاکٹر احمد الطیب نے ، عزت مآب پوپ تواضروس II، اسکندریہ کے پوپ اور سینٹ مارک کے سرپرست کی سربراہی میں ایک اعلیٰ سطحی کلیسیائی وفد کا استقبال کیا۔جس میں انہوں نے فضیلت مآب گرینڈ امام اور تمام مسلمانوں کو عید الاضحیٰ کی مبارکباد پیش کی۔

پوپ تواضروس اور ان کے ساتھ آنے والے وفد نے عید الاضحی کے بابرکت موقع پر گرینڈ امام اور تمام مسلمانوں کو دلی مبارکباد پیش کرتے ہوئے ان کی اچھی صحت اور تندرستی اور مصر اور مصریوں کے لیے سلامتی اور استحکام کی دعا کی، اور یہ کہ ایسی تقریبات ہمیشہ قوم کے شراکت داروں کے درمیان محبت اور بھائی چارے کے رشتوں کو مضبوط کرنے کا ذریعہ بنتے ہیں۔
دوسری طرف گرینڈ امام نے عید الاضحیٰ کے مبارک موقع پر عزت مآب پوپ تواضروس اور ان کے ساتھ آنے والے وفد کے دورہ پر خوشی کا اظہار کیا اور ان کی اچھی صحت اور مسیحی بھائیوں کی صحت اور تندرستی اور مصر اور مصریوں کے لیے سلامتی اور استحکام کی دعا کی، اس بات پر زور دیتے ہوئے کہ عیدیں اور دیگر مذہبی تقریبات بات چیت کرنے، مبارکباد کے تبادلے اور مصری معاشرے پر اخلاق و اقدار اور منحرف رویوں کے خلاف شدید حملوں کا مقابلہ کرنے کے لیے نقطہ نظر اور کوششوں کو مربوط کرنے کا ایک اچھا موقع ہیں جن کے بارے میں ہم نے ماضی میں نہیں سنا۔
ملاات میں وکیل الازہر ڈاکٹر محمد الضوینی ، جامعہ الازہر کے صدر ڈاکٹر محمد المحرصاوی ، اسلامک ریسرچ اکیڈمی کے سیکرٹری جنرل ڈاکٹر نظیر عیاد اور جامعہ الازہر کے نائب صدر ڈاکٹر محمد ابو زید الامیر نے شرکت کی۔