الرئيس السيسي: ” بقول للفلاحين والمزراعين، الأرض اللى معاكم غالية جدا جدا  استفيدوا منها”.. واطمنوا من ناحية القمح والذرة والفول الصويا وعباد الشمس

أكد الرئيس عبد الفتاح السيسي، أن مصنع الأسمدة الأزوتية يدعم زراعة 3.5 ملاين فدان، موضحًا: “المصنع ده يدعم زراعة 3.5 مليون فدان.. دول بالكتير نصف العام المقبل أو آخره إن شاء الله”.

وأضاف الرئيس السيسي، خلال كلمته في افتتاح مجمع الأسمدة الأزوتية بالعين السخنة: “بنبذل جهد كبير علشان الرقم ده يتحقق.. 3.5 مليون فدان.. اتعودوا معايا عليها.. إن شاء الله بحاول أكون صادق وأمين معاكم في كل كملة، مش نوعد وخلاص، لما بنوعد بنوعد اللى هنقدر ننفذه”.

وتابع الرئيس فى كلمته: “التغطية الإعلامية للمشروعات دي هتدي للناس إحساس كبير باللى بيحصل، خاصة في ظل الزيادة السكانية، بنتكلم في 20-25 مليون مواطن زيادة سكانية خلال آخر 10 سنين، لو مش عندنا إنتاج يقلل حجم الطلب من برة هتبقى فاتورة الاستيراد هائلة وضخمة”.

واضاف  الرئيس عبد الفتاح السيسي، أن الحكومة اتفقت على إعلان أسعار ضمان لبعض المحاصيل الزراعية، قائلا: “احنا كحكومة اتفقنا على إن نعمل إعلان أسعار ضمان لـ 4 سلع، القمح والذرة والفول الصويا وعباد الشمس، ولذلك بطمن الناس، والضمان يعني الحد الأدنى للدفع.. لو السعر العالمي أكثر هندفع أكثر.. لو القمح تعاقدنا على رقم.. ده الحد الأدنى.. طب زاد القمح هنشتري بالسعر وقت الحصاد.. بأكد على النقطة دي لكل القمح والذرة والفول الصويا وعباد الشمس”. 

وأضاف الرئيس السيسي، خلال كلمته في افتتاح مجمع الأسمدة الأزوتية بالعين السخنة: “بقول للفلاحين والمزراعين، الأرض اللى معاكم غالية جدا جدا جدا جدا استفيدوا منها، بدل التعدي عليها.. العالم كله عنده مشكلة في الإنتاج الزراعي والطلب بيزيد علشان النمو السكاني، أرجو أن نخلي بالنا ونخدم عليها علشان تجيب خير الفترة الجاية”.