دنیا جن بحرانوں اور جنگوں سے دوچار ہے ان کا ایک بڑا سبب مذہب اور اخلاقیات سے دوری ہے۔ شیخ الازہر

_______________

گرینڈ امام ، شیخ الازہر پروفیسر ڈاکٹر احمد الطیب نے مشیخہ الازہر میں تہذیبوں کے مکالمے کے لیے اقوام متحدہ کے اعلی نمائندے مسٹر میگوئل موراتینوس، سے ملاقات کی ۔ اور مشترکہ تعاون کو بڑھانے کے طریقوں پر تبادلہ خیال کیا ۔
گرینڈ امام نے تمام مذاہب، ثقافتوں اور تہذیبوں کے ماننے والوں کے ساتھ مکالمے کے لیے الازہر کے دروازے کھلے ہونے کی تصدیق کی، اور یہ کہ دنیا اس وقت ایک انتہائی پیچیدہ بحران کا سامنا کر رہی ہے۔ یہ لوگوں کی زندگیوں سے مذہبی اور اخلاقی اقدار کو خارج کرنے کا بحران ہے، اس بات پر زور دیتے ہوئے کہ یہ بحران اس کے بنانے والوں اور اس کی قسمت کا فیصلہ کرنے والوں پر اثر انداز نہیں ہوتا بلکہ اس کا دائرہ پوری انسانیت، مشرق و مغرب تک پھیلا ہوا ہے اور یہ ان تمام تنازعات اور جنگوں کی بنیاد ہے جن کا آج ہماری دنیا کو سامنا ہے۔
شیخ الازہر نے اشارہ کیا کہ موجودہ عصری انسان کے المیے میں مغربی تہذیب کا سب سے بڑا حصہ ہے، جب اس نے مذہب کو خارج کرنے اور اسے لوگوں کی زندگیوں سے دور کرنے کی کوشش کی، اور انسانی خواہشات کی تسکین اور مادی فکر کو فروغ دینے پر توجہ دی۔
شیخ الازہر نے نشاندہی کی کہ آج کا انسان خوراک اور ادویات کی کمی، موسمیاتی تبدیلی کے بحران کے ساتھ ساتھ سماجی بحرانوں کا شکار ہے جس کا مقصد خاندان کو تباہ کرنا، بنا شادی تعلقات کو عام کرنا ، اور دنیا اور معاشروں پر انتہائی غیر معمولی ثقافتوں کو مسلط کرنا ہے ، جو ان پر یقین نہیں رکھتے اور نہ ہی ان کی تہذیبوں اور ثقافتوں کا حصہ تھے، اس بات کی طرف اشارہ کرتے ہوئے کہ آج کی دنیا ایک دوسرے کو استعمار کی ان شکلوں سے کہیں زیادہ مضبوط اور خطرناک انداز میں نوآبادیات بنا رہی ہے جس کا ہم ماضی میں مشاہدہ کرتے تھے۔

میگوئل موراتینوس نے انسانی بھائی چارے اور عالمی امن کی اقدار کو پھیلانے کے لیے آپ فضیلت مآب کی کوششوں کو سراہا، اور یہ کہ انھیں الازہر الشریف کے ساتھ اقوام متحدہ کے تعلقات پر فخر ہے، جس نے ثقافتوں اور لوگوں کے درمیان ہم آہنگی کے حصول میں ان کے کاموں کو آسان بنایا ۔ انہوں نے دوسری بار زید انعام برائے انسانی برادری کی ججنگ کمیٹی کے رکن کے طور پر ان پر اپنے اعتماد کی تجدید پر اظہار تشکر کیا، اور یہ کہ کمیٹی تاریخی انسانی بھائی چارے کی دستاویز کے اصولوں کو شائع کرنے اور پھیلانے کے لیے پرعزم ہے جس پر عزت مآب گرینڈ امام ، تقدس مآب پوپ فرانسس، ویٹیکن کے پوپ نے دستخط کیے ہیں۔

موراتینوس نے اس بات کی تصدیق کی کہ ہم تاریخی انسانی بھائی چارے کی دستاویز میں بیان کردہ ہرچیز کے لیے اپنے عزم کی تجدید کرتے ہیں، اور یہ کہ دنیا کو تعاون کو مضبوط کرنے، کوششوں کو تیز کرنے، اور ایسے اقدامات پیش کرنے کے لیے کام کرنے کی ضرورت ہے جو دستاویز کی دفعات کی ترجمانی کریں اور انہیں خاص طور پر نوجوانوں کے گروپوں میں عام کریں، اس بات کی طرف اشارہ کرتے ہوئے کہ اقوام متحدہ ان اقدامات کی بھرپور حمایت کرتا ہے، اور مختلف ممالک میں ان کو فروغ دینے اور پھیلانے کے لیے کام کر رہا ہے