ہندوستان میں الازہر گریجوایٹس: اسلام ایک وسطیت والا مذہب ہے.. اس میں کوئی افراط و تفریط نہیں ہے.. یہ انتہا پسندی یا جنونیت کو بالکل نہیں جانتا۔

_______

ہندوستان میں بین الاقوامی تنظیم برائے الازہر گریجوایٹس کی شاخ نے طلباء کے ساتھ ایک آگاہی ملاقات کا انعقاد کیا، ریاست بہار، ہندوستان کے برانچ آفس کے سکریٹری، دارالحکمہ، جامعہ رحمانیہ خانقاہ مونگیر، بہار، ہندوستان میں حدیث و ادب کے پروفیسر عبدالاحد الازہری،نے لیکچر دیا
انہوں نے اپنی تقریر میں اس بات کی طرف اشارہ کیا کہ اسلام ایک وسطیت والا مذہب ہے.. اس میں کوئی افراط و تفریط نہیں ہے.. یہ انتہا پسندی یا جنونیت کو بالکل نہیں جانتا۔ بلکہ یہ امن، رواداری اور آسانی کا مذہب ہے۔ اللہ تعالیٰ نے فرمایا: “اور اسی طرح ہم نے تمہیں برگزیدہ امت بنایا تاکہ تم اور لوگوں پر گواہ ہو اور رسول تم پر گواہ ہو،”۔

انہوں نے کہا: اعتدال کے ساتھ ہی ہمارے نبی صلی اللہ علیہ وسلم کو بھیجا گیا تھا، اور اس پر آپ نے اپنے صحابہ کی تربیت فرمائی ، جنہوں نے آپ کی ہدایت کو تھاما ، اور اس ہدایت کے نور سے دنیا کو روشن کیا، اور ممالک پر حکمرانی کرنے سے پہلے انہوں نے دلوں پر حکمرانی کی ۔ لہٰذا، رسول اللہ صلی اللہ علیہ وسلم کی بعثت اللہ کی ایک نعمت ہے جو خدا نے مومنوں کو عطا کی ہے ، اللہ تعالی کا فرمان ہے: (اللہ نے ایمان والوں پر احسان کیا ہے جو ان میں انہیں میں سے رسول بھیجا (وہ) ان پر اس کی آیتیں پڑھتا ہے اور انہیں پاک کرتا ہے اور انہیں کتاب اور دانش سکھاتا ہے، اگرچہ وہ اس سے پہلے صریح گمراہی میں تھے۔)

انہوں نے مزید کہا کہ ہمارے آقا محمد صلی اللہ علیہ وسلم کا پیغام تمام جہانوں کے لیے رحمت ہے: (اور ہم نے آپ کو تمام جہانوں کے لیے رحمت بنا کر بھیجا ہے) [سورۃ الانبیاء: 107]، اور آپ کی شریعت، رحمت، ہدایت اور شفاء ہے ، مسلمان نوجوانوں کو شدت پسندی اور انتہا پسندی سے بچنے اور اعتدال اور وسطیت کی طرف لوٹنے کی ضرورت پر زور دیتے ہوئے کہا کہ نوجوانوں کو مخلص علماء سے دین کو سمجھنا چاہیے، اور علماء کرام کو چاہیے کہ وہ اچھی اقدار پر ان می تربیت کریں، اور ان کو انتہا پسندی اور شدت پسندی سے بچایا جائے ، کیونکہ نوجوانوں کا معاشرے میں کلیدی کردار ہوتا ہے، اور نوجوانوں میں اچھے اخلاق، اعتدال اور اعتدال کا ہونا ضروری ہے۔