(أوقاتك حياتك )

بقلم / وفاء أحمد يوسف

الفرقة الرابعة لغة عربية

كلية الدراسات الإسلامية والعربية للبنات بسوهاج

عندما كنا صغاراً كنا لا نبالى بأى شئ وخصوصاً الوقت وهناك البعض حتى الآن مازال لا يبالى بالوقت سمعنا محاضرات كثيرة عن الوقت نلتزم قليلاً ثم نعود كما كنا نعود للامبالاة ولكن خلينا متفقين أن اليوم على مر العصور 24ساعة لا بيزيد ولا بينقص ولكن هناك سؤال يجول بخاطري وخاطرك :

لماذا نرى أشخاص يجدون اليوم لا يكفى لأعمالهم وهناك أيضاً فى نفس الوقت أشخاص يجدون اليوم يكفى لأعمالهم ؟

إذا العيب فيك أنت وليس فى عدد ساعات اليوم والآن هات ورقة وقلم وأكتب ما أقول:

1-حدد وأعرف وقتك بيضيع فين وحدد كل ما هو ليس له فائدة فى حياتك وخد قرار واترك كل ما هو ليس له إفادة وبكدا تكون قللت عدد ساعات بضيع وبضيع معاها أشياء مفيدة لأنه هناك إحصائيات على موظفين بنيويورك أن الموظفين بيضيعوا وقتهم بمعدل 3ساعات فى اليوم على وسائل التواصل ومن غير إفادة يعنى تقريباً تلت ساعات العمل لذلك اترك كل ما هو ملهى وقت الشغل حتى ولو كانوا صحابك.

2-حدد هدفك ضع خطه لتانى يوم قبل أن تنام.

3- استغل وقت فراغك في القراءة أو أشياء مفيدة أخرى مش معنى أنك تضع نفسك في سجن العمل الدائم لا من وقت لآخر رفه عن نفسك.

4- تحدى نفسك ولازم تحط خطط وتتحدى نفسك أنك تطبقها أو حط عقاب لنفسك لو مخلصتش هتعاقب نفسك بالبعد عن شيء بتحبه.

5- خصص وقت معين لنفسك حتى ولو بضع دقائق راجع اللي عملته طول اليوم وضبط خططك.

6- ابتعد عن المحبطين والمحبطات وقتك اللي تضيعوا معاهم استفيد بيه لتنمية مهاراتك.

7- ودا الأهم اقترب من ربنا كلما كنت قريباً من الله كلما كانت البركة أكثر في الوقت.

8- اتعلم إمتا تقول آه وتوافق و إمتا تقول لا وترفض مش أى خروجه أو عزومه توافق عليها لو هتتعارض مع أولوياتك ومهامك قول لأه واتعلم توافق على الأشياء اللي هتجلبك منفعة .

9- طول ما أنت محدد هدفك وحطيته قدام عنيك تلقائي كدا هتلاقى نفسك بترفض أي حاجة تعطلك عن الوصول ليه.

10- سمعنا كتير حكمة “الوقت كالسيف إن لم تقطعه قطعك” ، “الوقت من ذهب إن لم تغتنمه ذهب” كلنا حفظنا الجمل دي زى الببغاء نسمع ومنطبقش طيب مفكرتش تطبق وكل يوم يأتي ينادى “أنا يوم جديد وعلى عملك شهيد فاغتنمني” ليه مفكرتش تطبق معنى الجمل دي كلها.

← خلى دايماً عندك أمل ومتنتظرش تلاقى نتيجة من أول يوم انتظام لا أنت هتوقف وتوقع ومتحبطش وتقول أنا فاشل زى ما أخدت وقت كبير وكان ضايع اصبر شويه لحد ما تلاقى نتيجة بس خلى دايماً عندك أمل حتى الأمل ذكر فى القرآن لقوله تعالى “والباقيات الصالحات خير عند ربك ثواباً وخير أملا ” ومن وقت للتانى حفز نفسك ومتستسلمش للإحباط

← حط نفسك وسط صحبه صالحه وتشجعك دايماً .

← حاول تطور من موهبتك وأشغل فراغك بيها.

وبالنهاية الكلام دا كله مش هيفيدك لو أنت فعلاً لا تملك نيه للتغيير لازم يكون التغيير نابع من الداخل حتى في الإدارة التغيير لازم يكون نابع من قلب المنظمة لأنه بيكون أسرع وأقوى.

←قدر كل دقيقه في حياتك.

بالنهاية يسقط التشجيع والحماس ويبقى التحفيز الذاتي سيد كل نجاح.