الرئيس السيسي: «اللي بنعمله دا هو المستحيل.. وهنفضل نطور بلدنا»

قال الرئيس عبدالفتاح السيسي إنه تم إنفاق ما يقارب من 450 مليار جنيه لاستصلاح وتطوير مليون ونصف المليون فدان زراعي، متابعًا: «اللي إحنا بنعمله دا هو المستحيل».

أضاف السيسي، خلال كلمته في افتتاح مشروع «توشكى الخير»،: «ما نقوم به من مشروعات أمر مستحيل بالنسبة لأي حد.. إحنا بنتكلم عن استلام أرض مزروعة مش بنتكلم عن هنعملها إزاى أو تتكلف كام.. إحنا بنقول بس اعملوها».

ووجه حديثه لـرئيس الهيئة الهندسية: «مادام مفيش مانع يبقى ولا ننام ولا نستريح ونفضل نطور في بلادنا ونعمل اللي علينا».

ويعتبر مشروع توشكي مستقبل للشباب للجيل الحالي والأجيال القادمة، ليتحقق حلمهم عقب إعطاء قبلة الحياة لهذا المشروع الذى يقع جنوب أسوان، وكانت فكرة إنشائه بهدف خلق وادٍ جديد في الصحراء الغربية على مساحة 540 ألف فدان، وتصل في المستقبل إلى مليون فدان، موازٍ لوادي النيل.

وبلغت تكلفة المشروع 6.4 مليار جنيه، وتم البدء به في أكتوبر 2020، وتمت زراعة 30 ألف فدان قمح خلال أول 3 أشهر من بداية المرحلة الأولى، إضافة إلى إنهاء تجهيز حوالي 100 ألف فدان قابلة للزراعة، وجارٍ تجهيز 100 ألف فدان أخرى بنهاية العام الجارى.